Avropa İttifaqının (Aİ) hakimiyyət orqanları rusiyalı müğənni Larisa Dolinaya qarşı sanksiyalar tətbiq edib. SİA-nın məlumatına görə, "Rossiyskaya qazeta" yazır ki, siyahıya jurnalist Tina Kandelaki və politoloq Timofey Bordaçev də daxildir.
Nəşrin məlumatına görə, Avropa İttifaqı bir sıra rusiyalı ictimai xadimləri, ulduzları və sahibkarları "Rusiya Federasiyasının hibrid hərəkətlərinə görə" yazısı ilə qara siyahıya salıb.
Buraya "Avtodor"un rəhbəri Vyaçeslav Petuşenko, "Qazprom" konserninin törəmə müəssisələrinin baş direktorları, "Rosnefteflot", "Prime Shipping" və "Investneftetrade" şirkətlərinin rəhbərləri də daxildir.
Jurnalistlərin izahatlarına görə, məhdudlaşdırıcı tədbirlər təkcə şəxslərə deyil, həm də təşkilatlara qarşı tətbiq edilib. Xüsusilə "Afrika Təşəbbüsü" xəbər agentliyi də sanksiyalara məruz qalıb.
Macarıstanın xarici işlər naziri Peter Szijyarto izah edib ki, Budapeşt Patriarx Kirill, Rusiya Olimpiya Komitəsi və Rusiyanın BMT-dəki daimi nümayəndəsi Vasili Nebenzinin Aİ-nin 15-ci sanksiyalar paketindən çıxarılmasına nail olub.
Xatırladaq ki, 2022-ci ilin iyununda ABŞ, Kanada və Ukrayna Kandelakiyə qarşı sanksiyalar tətbiq etmişdi.
...Və bu arada Aİ Şurası Rusiya Federasiyasına qarşı 15-ci sanksiyalar paketini təsdiqləyib
Əli Babayev
© 2002-2021, “Səs” qəzeti, Bütün hüquqlar qorunur. Məlumatlardan istifadə etdikdə istinad mütləqdir.
Ünvan: Ü. Hacıbəyov küçəsi, 32; Bakı, Azərbaycan
Tel.: (+994 12) 598-33-90 ; Faks: (+994 12) 493-11-62 ; Email: [email protected]
Baş redaktor: Bəhruz QULİYEV Təsisçi: “Əlincə“ Azərbaycan Xeyriyyə Cəmiyyəti
"Səs" qəzeti "AzərTac", "AZADINFORUM", və "APA" agentliklərinin informasiyalarından istifadə edir. Dərc olunan reklamların mətninə görə redaksiya məsuliyyət daşımır.
