Poroşenko cəbhədəki ağır vəziyyətdən danışıb

Ukraynanın keçmiş prezidenti Pyotr Poroşenko Ali Radada çıxışı zamanı cəbhədəki vəziyyəti çox ağır adlandırıb.

SİA-nın məlumatına görə, o, bu barədə öz Telegram kanalında da yazıb.

...Cəbhədə vəziyyət heç vaxt, hətta 2022-ci ilin martında belə çətin olmamışdı, - o, çıxışı zamanı deyib.

Pyotr Poroşenkonun sözlərinə görə, Ukrayna Silahlı Qüvvələri üçün xüsusi problem kəşfiyyat pilotsuz təyyarələrinin çatışmazlığı olaraq qalır və vəziyyət xüsusilə Pokrovsk və Kupyansk istiqamətlərində çətindir.

Qeyd edilməlidir ki, o, bunun səbəbini ölkə rəhbərliyinin səmərəsizliyi və korrupsiyası hesab edib.

Bundan əvvəl Ukraynanın keçmiş prezidenti ölkənin hazırkı hakimiyyətini məcburi səfərbərliyə görə tənqid etmişdi. Petro Poroşenkonun sözlərinə görə, mövcud sistem öz effektivliyini itirib və özünü nüfuzdan salıb.

Əli Babayev