Britaniyada 700-dən çox işçi McDonald's-a qarşı iddia qaldırıb

Böyük Britaniyada 700-dən çox keçmiş və indiki McDonald's işçisi fast food şəbəkəsini sağlamlıq ayrı-seçkiliyi, homofobiya, irqçilik və təcavüzdə ittiham edərək məhkəməyə verib. Bu barədə Leigh Day hüquq firmasının mətbuat xidməti məlumat yayıb. Müraciət edənlərin çoxunun yaşı 19-dan aşağı olduğu qeyd edilib. İddialarda 450-dən çox restoranın adı keçir. Vəkillər müvəkkillərinə təzminat tələb etmək niyyətindədirlər.

Leigh Day ilə əlaqə saxlayan bir gənc dedi ki, görmə problemləri və təhsilində yaşadığı çətinliklər səbəbindən zorakılıqla üzləşib. O, həmçinin McDonald's menecerlərinin iş yoldaşlarına qarşı irqçi olduğunu və bəzi işçilərin cinsi təcavüzə məruz qaldığını iddia edir.

İddiaların fonunda McDonald's üzr istəyib və şirkətin "təqib, sui-istifadə və ya ayrı-seçkiliyə yer olmadığını" vurğulayıb. McDonald's Böyük Britaniya və İrlandiya üzrə baş icraçı direktoru Alistair Macrow, "Biz iddiaları araşdırırıq və davranış kodeksimizin hər hansı sübut edilmiş pozuntuları işdən çıxarılma da daxil olmaqla, mümkün olan maksimum dərəcədə həll ediləcək" dedi.

McDonald's daha əvvəl işçilər və təchizatçılar üçün müxtəliflik hədəflərini ləğv edərək, daxil olma öhdəliyini qeyd etdi.

AYSEL