Finlandiya Rusiya ilə sərhəd yaxınlığında təlimlər keçirir

Finlandiya sərhədçiləri Rusiya Federasiyası ilə sərhədi qorumaq üçün təlimlər keçirir. SİA-nın məlumatına görə, bu barədə Yle telekanalı bildirib.

Təlimlər yanvarın 8-də başlayıb. Onlar yanvarın 9-dək davam edəcək. Növbəti manevrlər gələn həftəyə planlaşdırılır: yanvarın 13-dən 17-dək. Təlimdə polis, gömrük, xilasetmə xidmətləri və müdafiə qüvvələri də iştirak edir.

Ümumilikdə 300-ə yaxın insan iştirak edir. Finlandiyanın müdafiə naziri Antti Hakkänen daha əvvəl demişdi ki, səlahiyyətlilər ölkənin irimiqyaslı təsirlərə, hərbi təzyiqlərə və illərlə davam edə biləcək potensial irimiqyaslı müharibələrə tab gətirmək qabiliyyətini gücləndirəcək.

Onun sözlərinə görə, finlər müdafiəni NATO müttəfiqləri ilə birlikdə hazırlayacaqlar.

Dekabrın 10-da prezident Stubb bildirib ki, finlər ölkənin müdafiə xərclərinin artmasına hazırlaşmalıdırlar.

Onun sözlərinə görə, hakimiyyət bu addımı öz maraqları naminə atacaq.

Əli Babayev