Bu ölkədə qadınların diktor və televiziya aparıcısı olması qadağan edilib

Radikal Taliban hərəkatı (Rusiyada qadağandır) tərəfindən yaradılmış Əfqanıstan hökumətinin rəsmiləri qadınların televiziyada diktor və aparıcı kimi işləməsini qadağan edib. Bu barədə Herat vilayətindəki mənbələrə istinadən “Haşt-e Subh” qəzeti məlumat yayıb.

Onların verdiyi məlumata görə, Fəziləti Təbliğ və Münaqişə Administrasiyasının fərmanında qadınların televiziyada görünməsinin “kişilərə qarşı təxribat” olduğu bildirilir. Ən radikal hərəkatın nümayəndələri hələlik bu məlumatı şərh etməyiblər. Maraqlıdır ki, 2024-cü ilin avqustunda Əfqanıstanda fəzilətin təbliği və pisliyin qarşısının alınması haqqında qanun qüvvəyə minib. Bu sənədin 17-ci maddəsinə əsasən, Əfqanıstanda fəaliyyət göstərən kütləvi informasiya vasitələrinə hər hansı canlının təsvirini dərc etmək və ya yayımlamaq qadağandır.

Qanunun digər müddəaları qadınların bədəninin bütün hissələrini örtməsini tələb edir və onlara təkbaşına səyahət etməyi qadağan edir. Eyni qanun kişilərə saqqal qırxmağa icazə vermir. Qanunu pozanları ya üç günə qədər həbs, ya da məbləği dövlət ittihamçısı (ölkə prokuroru) müəyyən edən cərimə gözləyir.

V.VƏLİYEV