Türk Hava Yolları (THY) 10 illik fasilədən sonra İstanbul-Benqazi reyslərini bərpa edib. SİA-nın məlumatına görə, THY-nin təyyarəsi səhər saatlarında İstanbul hava limanından Benqaziyə uçmaq üçün yola düşüb.
Təyyarədəki sərnişinlər 2,5 saatlıq yoldan sonra Benqazidəki Benina Beynəlxalq Hava Limanına enib və gül-çiçəklə qarşılanıblar.
Hava limanında təşkil edilən mərasimdə çıxış edən THY-nin baş direktoru Bilal Ekşi THY-nin 6 qitədə 131 ölkə və 352 istiqamətlə ən çox ölkəyə və beynəlxalq nöqtələrə uçuş təşkil edən hava yolu şirkəti olduğunu bildirib.
"Həftədə 5 dəfə həyata keçirdiyimiz Tripoli reysləri ilə Liviyaya həftəlik uçuşlarımızı 8-ə çatdırdıq. Qarşıdan gələn dövrdə həm tezlik saylarımızı, həm də uçduğumuz istiqamətlərin sayını artıracağıq. Ümid edirəm ki, başladığımız uçuşlar Benqaziyə, bölgə xalqına və ölkələrimiz arasındakı əlaqələrə töhfə verəcək və faydalı olacaq", -deyə B.Ekşi vurğulayıb.
Bildirilib ki, reyslər həftənin üç günü, çərşənbə axşamı, cümə axşamı və bazar günləri yerinə yetiriləcək.
Qlobal miqyasda elektrik avtomobili satışları keçən il rekord həddə çataraq 17,1 milyona çatıb.
© 2002-2021, “Səs” qəzeti, Bütün hüquqlar qorunur. Məlumatlardan istifadə etdikdə istinad mütləqdir.
Ünvan: Ü. Hacıbəyov küçəsi, 32; Bakı, Azərbaycan
Tel.: (+994 12) 598-33-90 ; Faks: (+994 12) 493-11-62 ; Email: [email protected]
Baş redaktor: Bəhruz QULİYEV Təsisçi: “Əlincə“ Azərbaycan Xeyriyyə Cəmiyyəti
"Səs" qəzeti "AzərTac", "AZADINFORUM", və "APA" agentliklərinin informasiyalarından istifadə edir. Dərc olunan reklamların mətninə görə redaksiya məsuliyyət daşımır.
