Rusiyalı redaktor həbs edilib

"Novaya qazeta"nın Ryazan nəşrinin baş redaktoru (Rusiyada arzuolunmaz təşkilat kimi tanınır) Aleksey Frolov xüsusilə böyük məbləğdə qəsbdə ittiham olunaraq həbs edilib.

SİA-nın məlumatına görə, RİA Novosti xəbər verir ki, o, martın 30-dək istintaq təcridxanasında qalacaq.

İstintaqın məlumatına görə, Frolov Çoxmənzilli Binaların Əsaslı Təmiri Regional Fondunun baş direktoru Aleksey Roqotovskidən pul tələb edib.

Zərərçəkmiş bildirib ki, o, vasitəçi kimi fəaliyyət göstərən keçmiş jurnalist Natalya Smolyaninovaya 100 min rubl verib. Bunun müqabilində Frolov Roqotovskini gözdən salan materialları dərc etməyi dayandırmalı oldu.

İş adamı əlavə edib ki, Frolov hər ay ödəniş almağı planlaşdırıb. İclasda baş redaktor peşman olduğunu və istintaqla əməkdaşlıq etdiyini bildirib.

Frolovun həbsi cümə günü, yanvarın 31-də məlum olub. Onunla birlikdə Smolyaninova və Dubroviçski kənd qəsəbə sovetinin deputatı, Yabloko partiyasının federal bürosunun üzvü Konstantin Smirnov hədə-qorxu ilə pul tələb etməkdə şübhəli bilinərək saxlanılıb.

Əli Babayev