Rusiyanı tərk edən avtomobil markalarının geri dönəcəyi deyilir

Sanksiyaların tətbiqindən sonra Rusiya bazarını tərk etmək qərarına gələn xarici avtomobil markaları nəhayət geri qayıdacaq.

SİA-nın məlumatına görə, bu barədə "Kommersant"a AvtoVAZ-ın keçmiş rəhbəri Bo Andersson məlumat verib. Onun müsahibəsindən parçalar qəzetin Telegram kanalında dərc olunub. O, əmindir ki, əksər şirkətlər Rusiyaya marağını itirməyib. "Onların qayıdış tarixini dəqiq deyə bilmərəm, lakin Rusiya bazarının diqqətdən kənarda qalmamaq üçün çox böyük olduğu göz qabağındadır.

Eyni zamanda, Andersson əlavə edib ki, avtomobil markalarının necə və nə vaxt geri dönəcəyini dəqiq proqnozlaşdırmaq çətindir. Onun fikrincə, əgər brend çox uzun müddət yoxsa, onun yerini daha çevik rəqib tutacaq.

Avtostatın hesablamalarına görə, 2025-ci ilin əvvəlində Rusiyada anbarlarda təxminən yarım milyon avtomobil toplanmışdı. Bura paralel idxal yolu ilə Rusiyaya gətirilən yeni avtomobillər də daxildir. Yığılmış həcmlər 3-4 aylıq aktiv satış üçün kifayət edəcəkdir.

Avtomobil bazarındakı RBC mənbələri fərqli rəqəmə istinad edib. Yanvarın sonunda onlar 700 min avtomobilin olduğunu bildiriblər. Avtomobil dilerləri arasında yerli və xarici avtomobillər təxminən bərabərdir - müvafiq olaraq 52 faizlə 48 faiz.

Əli Babayev