“Ermənistan üçün bu faydalar göz qabağındadır…”

Ermənistanın Avropa İttifaqına qoşulması prosesi haqqında qanun respublikanın Avrasiya İqtisadi İttifaqı (Aİİ) və Rusiya ilə münasibətlərdə risklərini artırmayacaq. SİA-nın məlumatına görə,"Sputnik Near Abroad" Telegram kanalı xəbər verir ki, bunu Ermənistanın baş naziri Nikol Paşinyan deyib.

Onun sözlərinə görə, Ermənistanın bir çox riskləri var, lakin bu qanunun qəbulu onların heç birini daha riskli etmir.

O əlavə edib ki, qanun bir çox riskləri daha idarəolunan etmək üçün nəzərdə tutulub. O, qəbul edilmiş sənədi "balanslaşdırılmış siyasətin sübutu" adlandırıb.

Daha əvvəl Kremlin sözçüsü Dmitri Peskov bildirmişdi ki, Ermənistan Avrasiya İqtisadi İttifaqı üzvlüyündən faydalanır, bir yandan da Avropa İttifaqına daxil olmağı gözləyir. O, həmçinin qeyd edib ki, Ermənistan üçün bu faydalar göz qabağındadır.

Əli Babayev