Hindistan Rusiyaya qarşı sərt bəyanatla çıxış edib

Hindistan Rusiya neftini yalnız ABŞ sanksiyalarına məruz qalmayan şirkətlərdən və gəmilərdən gəldiyi halda almaq istəyir. Ölkə dünyada ikinci ən böyük neft idxalçısı və istehlakçısıdır. SİA-nın məlumatına görə, Reuters yazır ki, Hindistan ayrı-ayrı ölkələrin tətbiq etdiyi məhdudiyyətlərə deyil, BMT-nin məhdudiyyətlərinə əməl edir, lakin Vaşinqtonun ikinci dərəcəli sanksiyaları təhlükəsi Rusiya neftinin tədarükünü təmin etməkdə problemlər yaradır, çünki Hindistan bankları və şirkətləri ABŞ maliyyə sistemindən çox asılıdır.

Hindistan neft emalı zavodlarının Rusiya neftinin alışı Rusiyanın neft tədarük zəncirinə tətbiq edilən sanksiyalarla pozulub. Bu, Çin və Hindistandakı bəzi alıcılar və limanların qara siyahıya salınmış gəmilərdən yayınması səbəbindən tankerlərin yükdaşıma tariflərinin kəskin artmasına səbəb olub.

Hindistan rəsmiləri bildiriblər ki, onlar rus tədarükçüləri və treyderlərinə satdıqları neftin ABŞ-ın sanksiyaları parametrlərinə uyğun olması lazım olduğunu bildiriblər.

…Biz risk etmək istəmirik. Biz tədarük zəncirində sanksiya tətbiq edilmiş qurumların və ya gəmilərin iştirak etdiyi yüklərə toxunmayacağıq.

Bunu Hindistan rəsmilərindən biri deyib.

Əli Babayev