Almaniyadakı miqrantlar Böyük Britaniyaya köçə bilərlər

Almaniyadakı miqrantlar Böyük Britaniyada yaşamaq üçün köçə bilər. SİA-nın məlumatına görə, RİA Novosti bu barədə "Express" qəzetinə istinadən xəbər verir.

Qeyd edilir ki, bu, Berlinin deportasiyaya məruz qalan qaçqınların yerləşdirilməsi üçün mərkəz tikmək planları fonunda baş verə bilər.

Almaniyada sığınacaq verilməmiş qaçqınların mərkəzə göndərilməsi planlaşdırılır. Deportasiya olunana qədər orada qalacaqlar.

Almaniyanın miqrantlara qarşı sərt repressiyaları Britaniyaya əks nəticə verəcək. Alman siyasətçiləri nəhəng deportasiya mərkəzi ilə bağlı planlarını açıqladıqdan sonra miqrantlar Britaniyaya getməyi planlaşdırır, - mənbə bildirib. Miqrantlardan birinin nəşrə verdiyi məlumata görə, Almaniyada mövcud deportasiya mərkəzlərində insanlar çox pis şəraitdə saxlanılır. Bu səbəbdən çoxları Böyük Britaniyaya qeyri-qanuni köçməyi planlaşdırır.

Bundan əvvəl ABŞ Ukrayna və Latın Amerikasından olan miqrantların müraciətlərinin qəbulunu dayandırıb.

Əli Babayev