Odessada neft anbarında güclü yanğın baş verdiyi deyilir

Ukraynanın "Strana.ua" nəşri xəbər verir ki, Odessada neft bazasında güclü yanğın baş verib. Nəşrin məlumatına görə, yerli sakinlər sosial şəbəkələrdə böyük qara tüstü sütununu əks etdirən kadrlar paylaşırlar. SİA xəbər verir ki, rəsmi xəbərdarlıq resursunun məlumatına görə, səhər saatlarında şəhərə hava hücumu xəbərdarlığı verilib.

Bundan əvvəl şəhərin meri Gennadi Truxanov məlumat vermişdi ki, partlayışlardan sonra Odessada su təchizatı, istilik və elektrik təchizatı sistemlərinin işində fasilələr qeydə alınıb.

Fevralın 14-də məlum olub ki, Odessa vilayətində liman infrastrukturu obyektinə ziyan dəyib.

Bundan əvvəl bölgədə hava hücumu xəbərdarlığı elan edilmişdi.

Ukrayna mediası Odessa və Yujne şəhərlərində partlayışlar barədə məlumat yayıb.

Rusiya hərbçiləri 2022-ci ilin oktyabrında Krım körpüsündə baş verən partlayışdan az sonra Ukrayna infrastrukturuna zərbələr endirməyə başlayıb. O vaxtdan bəri, Ukraynanın müxtəlif bölgələrində, tez-tez bütün ölkə ərazisində hava hücumu sirenləri müntəzəm olaraq elan edilir.

Əli Babayev