Ruslar inflyasiyanın səngidiyini deyirlər

Fevralın 11-dən 17-dək olan həftə ərzində Rusiyada qiymətlər 0,17 faiz bahalaşıb ki, bu da əvvəlki dövrlə müqayisədə 0,23 faiz azdır. SİA-nın məlumatına görə, həftəlik inflyasiyanın aşağı düşməsi barədə İqtisadi İnkişaf Nazirliyinin saytında məlumat verilir.

Ərzaq seqmentində qiymət artımı 0,25 faiz, qeyri-ərzaq seqmentlərində isə 0,06 faiz azalıb. Xidmətlərdə qiymətlər ötən həftənin səviyyəsində - 0,15 faiz artıb.

Bundan əvvəl Mərkəzi Bank inFOM-un sorğusuna istinadən rusiyalılar arasında inflyasiya gözləntilərinin son beş ayda ilk dəfə azaldığını bildirmişdi.

Yanvarda onlar 13,7 faiz təşkil edib ki, bu da dekabr ayı ilə müqayisədə 0,3 faiz bəndi azdır.

Eyni zamanda, tənzimləyici qiymət artımını qəbuledilməz dərəcədə yüksək adlandırmaqda davam edir.

Əsas uçot dərəcəsinin 21 faiz səviyyəsində saxlanılması qərara alınan direktorlar şurasının iclasından sonra 2025-ci ildə qiymət artımı proqnozu təxminən iki dəfə - 7-8 faiz artırılıb.

Əli Babayev