Ukrayna və Böyük Britaniya diplomatlarının görüşü olub

Kiyevdə Ukrayna və Böyük Britaniya diplomatlarının görüşü baş tutub. Onlar sülhü yaxınlaşdıra biləcək addımları müzakirə ediblər. SİA-nın məlumatına görə, bu barədə Ukrayna prezidenti Vladimir Zelenskinin bəyanatında deyilir.

...Bu gün Kiyevdə Ukrayna və Böyük Britaniyanın diplomatik komandalarının görüşü baş tutub. Çox məhsuldardır, - deyə Zelenski vurğulayıb.

O izah edib ki, görüş zamanı diplomatlar Ukraynaya sülh gətirə biləcək və diplomatik işi sürətləndirə biləcək birgə addımları müzakirə ediblər.

...Dəstəyiniz üçün təşəkkür edirik. Ukrayna prezidenti əlavə edib ki, bu müharibənin layiqli və davamlı sülhlə başa çatması üçün Ukrayna mümkün qədər tez hər şeyi etməyə qərarlıdır.

Əli Babayev