Əgər Rusiya bundan imtina edərsə...

Moskva atəşkəsdən imtina edərsə, ABŞ Rusiyaya qarşı yeni sanksiyalar tətbiq edə bilər. SİA-nın məlumatına görə, bu barədə Cənubi Karolinadan olan respublikaçı senator Lindsi Qrem bildirib.

...Ukraynanın ABŞ-ın 30 günlük atəşkəs təklifini qəbul etdiyini öyrənmək məni çox ruhlandırdı. Ümid edirəm ki, Rusiya onlardan nümunə götürəcək. Rusiya bundan imtina edərsə, biz onları sanksiyalarla cəhənnəmə verməliyik.

Qrem bunu çərşənbə günü, martın 12-də X sosial şəbəkəsində yazıb.

Rusiyanın atəşkəs sazişini imzalamaqdan imtina etməsi halında mümkün tədbirlər "təkcə Rusiyaya təsir göstərməyəcək, həm də neft, qaz və uran da daxil olmaqla, Rusiya mallarını alan ölkələrə qarşı sanksiyalar və tarifləri əhatə edəcək.

Bunu da Qrem deyib.

...Rusiyanın Ukraynaya amansız işğalı ilə gələn sarsıdıcı iqtisadi ağrıları hiss etməyin vaxtıdır.

Bu da ABŞ Senatının üzvünün fikridir.

Əli Babayev