Braziliya millisində "zəlzələ"

Braziliya Milli Futbol Komandası baş məşqçi Dorival Juniorla yollarını ayırdığını açıqlayıb. SİA-nın xarici mətbuata istinadən verdiyi məlumata görə, Braziliya Futbol Federasiyası 2024-cü ilin yanvarından komandanın başında olan Juniorla yollarını ayırdıqları bildirilib.

62 yaşlı məşqçi 2026-cı il FIFA Dünya Çempionatının Cənubi Amerika seçmə mərhələsi çərçivəsində Argentinaya 4:1 hesablı məğlubiyyətdən sonra ağır tənqidlərə məruz qalıb. Braziliya lider Argentinadan 10 xal geri qalaraq 21 xalla 4-cü yerdədir. Junior ölkəsində "Atletiko Mineyro", "Atletiko Paranaense", "Santos", "Kruzeyro", "Koritiba", "İnternasional", "Vasko da Qama", "Fluminense" və "Palmeyras" kimi komandalarda çalışıb və son olaraq ötən il "Sao Paulo"nu çalışdırıb.