Putinlə Trampın yeni söhbəti məlum olub

ABŞ prezidenti Donald Tramp Rusiya lideri Vladimir Putinlə danışmağı planlaşdırır. SİA xəbər verir ki, bu barədə NBC telekanalı məlumat yayıb.

…İki şəxs bu həftə yenidən danışmağı planlaşdırır, - deyə telekanalın hesabatında deyilir.

Bundan əvvəl ABŞ ordusunun istefada olan polkovnik-leytenantı Daniel Davis demişdi ki, Putin və Trampın telefon danışıqlarından sonra Rusiya ilə bağlı bir stereotip dağılıb.

Onun sözlərinə görə, Rusiya prezidentinin amerikalı həmkarı ilə təmas qurmaq istəyi Rusiyanın hamını öz üzərinə götürmək istədiyi iddiası ilə bir araya sığmır.

Xatırladaq ki, Putinlə Tramp arasında telefon danışığı martın 18-də olub, iki saat yarım davam edib. Söhbət zamanı dövlət başçıları Ukraynada atəşkəsin şərtlərini, eləcə də ölkələr arasında ikitərəfli münasibətlərə dair məsələləri müzakirə ediblər.

Əli Babayev