ABŞ Rusiyaya qarşı sanksiyaları genişləndirir

…Birləşmiş Ştatlar "terrorla mübarizə" çərçivəsində üç rusiyalını siyahıya əlavə etməklə Rusiyaya qarşı sanksiyaları genişləndirib.

SİA xəbər verir ki, bu barədə ABŞ Maliyyə Nazirliyinin rəsmi saytında məlumat verilib.

ABŞ Maliyyə Nazirliyinin terrorla mübarizə kontekstində ayrı-ayrı şəxslər və təşkilatların yer aldığı SDGT siyahısına rusiyalılar Yuri Belyakov, Vyaçeslav Vidanov və Əfqanıstan vətəndaşı olan Söhrab Qayrat da daxildir.

Üç Rusiya şirkəti və bir quru yük gəmisi də sanksiya məhdudiyyətlərinə məruz qalıb.

Bundan əvvəl 50 amerikalı senator Moskvanın Ukraynada sülh prosesində iştirakdan imtina edəcəyi təqdirdə daha sərt anti-Rusiya sanksiyalarına səs verməyə hazır olduqlarını bildiriblər.

Əli Babayev