Ukrayna üçün Aİ-yə “asan yol” olmayacaq

Avropa diplomatiyasının rəhbəri Kaja Kallas əmin edib ki, Ukrayna üçün Avropa İttifaqına sadələşdirilmiş yol olmayacaq. O, bu barədə Aİ-Ukrayna Assosiasiya Şurasının planlaşdırılan iclasından sonra keçirilən mətbuat konfransında bildirib.

…Aİ-yə daxil olmaq üçün qısa yollar yoxdur, lakin Ukrayna hətta düşmənçilik şəraitində belə Avropa yoluna sadiqliyini nümayiş etdirir.

SİA-nın məlumatına görə, bunu Kallas bildirib.

O vurğulayıb ki, blok "Ukrayna qanunvericiliyinin Aİ standartlarına uyğunluğunu öyrənir" və onun sözlərinə görə, Kiyev artıq "yaxşı irəliləyiş" nümayiş etdirib.

Milli qanunvericiliyin Aİ standartlarına uyğunluğunun qiymətləndirilməsi ölkənin Aİ-yə daxil olması ilə bağlı danışıqlar prosesinin birinci mərhələsidir və Brüsselin islahatlarla bağlı gələcək tələblərini müəyyənləşdirir.

Əli Babayev