Sülh Sazişi imzalandı

Tailand və Kamboca sərhəddəki gərginliyi aradan qaldırmaq üçün 13 bəndlik saziş imzalayıb. Razılaşmalar Kuala Lumpurda danışıqlar zamanı əldə olunub. Müvafiq bəyanat cümə axşamı, avqustun 7-də Tailand hökuməti tərəfindən Platform X-də dərc olunub.

Hökumətlərarası komitənin iclası münaqişənin gərginliyinin azaldılmasına və sərhəd bölgəsində sülhün bərpasına yönəlmiş protokolların imzalanması ilə başa çatıb.

Tərəflər atəşkəs rejiminə əməl olunmasını nəzərdə tutan 13 bənddən ibarət saziş üzrə razılığa gəliblər.

“Hər iki ölkənin nümayəndələri sərhəddə gərginliyin aradan qaldırılmasına və sərhəd bölgəsində sülhün bərpasına yönəlmiş protokollar imzalayıblar”, - deyə məlumatda bildirilir.

İyulun 24-də şiddətlənən münaqişə artıq 30-dan çox insanın həyatına son qoyub və hər iki tərəfdən 150 mindən çox mülki vətəndaşı didərgin salıb. Bölgədə fövqəladə vəziyyət elan edilib. Hər iki ölkə özünümüdafiə üçün hərəkət etdiklərini təkid edir.

Mövcud mübahisələrin çoxu Fransa ilə Siam Krallığı arasındakı müqavilələrin şərhləri əsasında tərtib edilmiş xəritələrdən qaynaqlanır. Onlar 20-ci əsrin əvvəllərində tərtib edilmiş və o zamanlar Fransız Hind-Çininin bir hissəsi olan Tayland ilə Kamboca arasındakı sərhədi müəyyən etmişlər.

İyulun 26-da Tramp bildirib ki, sərhəddə silahlı qarşıdurma yaşayan Kamboca və Tayland artıq döyüşləri dayandırmağa hazırdır. Amerika lideri onun telefon diplomatiyasının işə yaradığına eyham vurub. Ağ Ev rəhbərinin zəngindən sonra tərəflər danışıqlara razılaşıblar.

V.VƏLİ