Almaniya İsrailə silah tədarükünü dayandırıb

Fridrix Merz: “Hərbi baxımdan bu, simvolik bir addımdır”

Almaniyanın İsrailə silah tədarükünün dayandırılması Qəzzada vəziyyətə heç bir şəkildə təsir etməyəcək, hərbi ekspert Masala Tagesspiegel-ə müsahibəsində bildirib. Onun sözlərinə görə, siyasi nöqteyi-nəzərdən Təl-Əvivə qarşı hərbi sanksiyaların tətbiqi qərarını Merzin Almaniyadakı əvvəlki siyasətindən köklü şəkildə pozmaq kimi şərh etmək olar. İsrail hökumətinin Qəzza şəhərini işğal etmək niyyəti üzündən kansler Fridrix Merz İsrailə silah ixracının dayandırıldığını açıqlayıb. Hərbi ekspert Karlo Masalanın fikrincə, bu qərar sual altındadır.

Masala: “İsrail hərbi komandanlığı üçün bu, Qəzza zolağında real hərbi vəziyyətə təsir etməyəcək sadəcə simvolik bir jestdir. Siyasi nöqteyi-nəzərdən bu, Almaniyanın İsrailə qarşı əvvəlki siyasətindən köklü bir qırılmadır, çünki Almaniya əvvəllər heç vaxt hərbi sanksiyalar tətbiq etməyib. Dəqiq məlum deyil, amma çox güman ki, söhbət döyüş sursatı və müxtəlif ehtiyat hissələrdən gedir. O da məlumdur ki, Almaniya İsrailin Merkava tankları üçün transmissiyaları Renk vasitəsilə təmin edir. İsraillilərin onlara yalnız avtomobillər xarab olduğu halda ehtiyacı olacaq. Eyni zamanda Almaniyanın hərbi əməliyyatın gedişinə təsiri son dərəcə məhduddur. Əslində, Almaniyanın özü İsraillə müdafiə sahəsində əməkdaşlıqdan, məsələn, Arrow raketdən müdafiə sistemi və ya döyüş pilotsuz təyyarələrinin istehsalı üzrə birgə layihələr çərçivəsində daha çox faydalanır”.

“İsrail təkcə Qəzzada döyüşmür, həm də İran və Hizbullah tərəfindən təhdid edilir. Merzin qərarı onun təhlükəsizliyini zəiflədə bilərmi?” sualına, “Xeyr, bu, İsrailin təhlükəsizliyinə xələl gətirməyəcək. Kansler yalnız Qəzza zolağında istifadə oluna bilən tədarükləri dayandırmaq niyyətindədir. Nüvə silahı daşımağa qadir olan Almaniyanın “Delfin” sinifli sualtı qayıqları məhdudiyyətlərə məruz qalmır”.

Merz bəyanatında israilli girovların azad edilməsini və atəşkəs danışıqlarını əsas prioritetlər adlandırıb. Buna praktikada necə nail olmaq olar, sualına cavabında Masala qeyd edib ki, münaqişənin həllinin açarı Qətərdədir, burada şeyxlər HƏMAS-a təsirlərini sülh danışıqlarına sövq etmək üçün istifadə etməlidirlər. Federal hökumətin nöqteyi-nəzərindən silah tədarükünü dayandırmaqdan daha ağıllı tədbirlər var idi. Hökumət İsrailin milli təhlükəsizlik naziri Ben-Qvir və maliyyə naziri Smotriçə ölkəyə giriş qadağası qoya bilər. Onsuz da hər ikisi çətin ki, Almaniyaya gedərdi, amma bu, yaxşı siyasi siqnal olardı. Axı bu ikisi Netanyahunun kabinetində əsas “şahinlər”dir. Onun hökuməti süqut etsə, tezliklə yeni seçkilər keçiriləcək ki, bu da sülhə nail olmaq üçün əlverişli imkan olacaq.

V.VƏLİYEV