Amerikalılar Ukrayna ərazilərinin Rusiyaya verilməsinin əleyhinədir

Respondentlərin 2%-i Rusiyanı müttəfiq, 9%-i isə dost ölkə hesab edir. 28% Rusiyanı dost olmayan, 46% isə düşmən ölkə hesab edir

ABŞ sakinlərinin əksəriyyəti müharibədən sonra Ukrayna ərazilərinin Rusiyaya verilməsi ideyasını dəstəkləmir. Economist/YouGov sorğusu ABŞ prezidenti Donald Trampın sülh sazişi çərçivəsində Ukraynanın mümkün “ərazilərinin dəyişdirilməsi” ilə bağlı təklifləri fonunda keçirilib. Bu barədə The Hill məlumat yayıb.

“Müharibədən sonra nə qədər Ukrayna ərazisini Rusiyaya verməyə hazırsınız?” sualına. Respondentlərin 68%-i “heç nə” cavabını verib.

Sorğu iştirakçılarının daha 21%-i cavabda tərəddüd edib, 5%-i Ukrayna ərazisinin “bir hissəsinin”, 2%-i “yarım”, 1%-i isə “əksəriyyət”in verilməsinin lehinə çıxış edib.

Sorğunun nəticələrinə görə, amerikalıların 27%-i Ukraynanı müttəfiq, 38%-i dost ölkə hesab edir. Yalnız 12% Ukraynanı dost olmayan, 4% isə düşmən ölkə hesab edir.

Respondentlərin 2%-i Rusiyanı müttəfiq, 9%-i isə dost ölkə hesab edir. 28% Rusiyanı dost olmayan, 46% isə düşmən ölkə hesab edir.

Müharibədə amerikalıların 66%-i Ukraynanın, 3%-i isə Rusiyanın tərəfindədir.

Sorğu avqustun 15-dən 18-dək 1568 respondent arasında keçirilib.

Xatırladaq ki, Ukrayna prezidenti Vladimir Zelenski bildirib ki, ərazilərin mübadiləsi məsələləri yalnız Rusiya prezidenti Vladimir Putin və Trampla Amerika prezidentinin təşkil etmək istədiyi üçtərəfli görüş zamanı liderlər səviyyəsində müzakirə oluna bilər.

ABŞ prezidenti Donald Trampın sözlərinə görə, mümkün ərazi mübadiləsi ilə bağlı yekun qərar Ukraynanın üzərinə düşür.

VƏLİ