Rusiyanın Hindistana neft idxalı dekabr ayında minimuma düşəcək

...SİA xəbər verir ki, Reuters agentliyinin məlumatına görə, dekabr ayında Hindistanın Rusiya neftinin idxalı son üç ilin ən aşağı səviyyəsinə çatacaq.

Bu, Hindistan neft emalı zavodlarının ABŞ sanksiyalarını pozmamaq üçün alternativ təchizat mənbələrinə keçməsi ilə bağlıdır.

Rusiya neftinin alıcıları sanksiyalar səbəbindən 21 noyabr tarixinə qədər "Rosneft" və "Lukoil" ilə əməkdaşlığı dayandırmalı idilər.

Mənbələr əlavə ediblər ki, bank nəzarəti dövlət neft emalı zavodlarını "son dərəcə ehtiyatlı" davranmağa məcbur edib. Hindistanın dekabr ayında gündə 600.000-650.000 barel Rusiya nefti alacağı gözlənilir, noyabr ayında isə bu rəqəm gündə 1,87 milyon barel idi.

Mangalore Refinery and Petrochemicals Ltd, Hindustan Petroleum Corp və HPCL-Mittal Energy Ltd daxil olmaqla, Hindistanın əksər neft emalı zavodları Rusiya neftini almağı dayandırıb.

Dövlətə məxsus Indian Oil Corp və Bharat Petroleum Corp sanksiyalara məruz qalmayan qurumlarla məhdud alışlara malikdirlər.

Qismən Rosneft-ə məxsus olan Nayara Energy şirkəti yalnız Rusiya xam neftini emal etməyə davam edir, Reliance Industries Ltd. isə "əvvəlcədən sifariş edilmiş" partiyaları emal edir və 20 noyabrdan sonra gələn bütün göndərişləri daxili bazar üçün öz neft emalı zavodunda emal etməyi planlaşdırır.

Nəticədə, neft emalı zavodları arbitraj fürsətindən istifadə etdikcə, oktyabr ayında Hindistanın idxalında ABŞ xam neftinin payı 2024-cü ilin iyun ayından bəri ən yüksək səviyyəyə çatdı.

Əli Babayev