BMT Baş katibi: Qəzza sakinlərinin 75 faizi aclıqla üzləşir...

...BMT-nin Baş katibi Antonio Quterreş bildirib ki, Qəzza sakinlərinin böyük əksəriyyəti həddindən artıq qida çatışmazlığı ilə üzləşir....Qəzzada əhalinin 75 faizdən çoxu olan 1,6 milyon insanın həddindən artıq qida çatışmazlığı və ciddi qidalanma riski ilə üzləşəcəyi proqnozlaşdırılır.SİA-nın məlumatına görə, bunu deyən Quterreş, qeyd edib ki, bu həyəcan verici tendensiyanın geri qaytarılması yalnız Fələstin anklavına humanitar yardım çatdırılmasının artırılması ilə mümkündür.Hələlik İsrail bu prosesə mane olur.BMT-nin Baş katibi həmçinin Qəzza ilə sərhəddə daha çox keçid məntəqəsinin açılmasına və humanitar təşkilatların təhlükəsizliyinin təmin edilməsi üçün tədbirlər görülməsinə çağırıb.Bundan əlavə, Quterreş zəruri malların tədarükünə qoyulan məhdudiyyətlərin aradan qaldırılmasını və Qəzzaya humanitar yardım üçün təhlükəsiz keçidlərin təmin edilməsini tələb edib.…Qəzza hakimiyyəti əvvəllər İsrailin Qəzza zolağına humanitar yardımın daxil olmasına icazə vermək öhdəliklərini kobud şəkildə pozduğunu bildirmişdi - anklav atəşkəsdən bəri razılaşdırılmış yardım həcminin 40 faizdən azını almışdı. Yerli hakimiyyət orqanları iddia edir ki, İsrail humanitar yardım çatışmazlığı yaratmaqla Qəzzada humanitar böhranı daha da şiddətləndirməyə çalışır.Xatırladaq ki, İsrail və HƏMAS arasında atəşkəs 10 oktyabrda qüvvəyə minib.Bu müddət ərzində hərəkat təxminən 2000 fələstinli siyasi məhbus müqabilində 20 israilli hərbi əsirini azad edib. HƏMAS həmçinin İsrailin Qəzzaya hava hücumlarında öldürülən bir neçə israilli hərbi əsirinin qalıqlarını Təl-Əvivə təhvil verib.O vaxtdan bəri İsrail müntəzəm olaraq atəşkəsi pozaraq yaşayış məntəqələrinə zərbələr endirib.

Əli Babayev