“The Times” ABŞ-ın Qrenlandiyanı ələ keçirməsinin 4 variantını açıqlayıb

Britaniyanın “The Times” qəzeti ABŞ administrasiyasının Qrenlandiya üzərində nəzarəti ələ keçirmək üçün istifadə edə biləcəyi 4 variantı təsvir edib.

Birincisi, hərbi güc tətbiqini və adanın ələ keçirilməsini nəzərdə tutur.

İkinci variant iqtisadi təzyiqə əsaslanır– Vaşinqton Danimarkadan Qrenlandiyanı almağı və adanın iqtisadiyyatına böyük sərmayələr qoymağı təklif edə bilər.

Üçüncü ssenari, ABŞ-ın Mikroneziya, Marşal adaları və Palau ilə bağladığı müqavilələrə bənzər Azad Birlik Sazişinin bağlanmasını nəzərdə tutur. Bu cür razılaşmalara əsasən, Birləşmiş Ştatlar maliyyə dəstəyi təmin etmək müqabilində müdafiə məsələlərinə görə məsuliyyəti öz üzərinə götürür, daxili özünüidarə isə adada saxlanılır.

Dördüncü variant Qrenlandiyanı Danimarka ərazisi olaraq saxlamaq, lakin ABŞ-ın hərbi mövcudluğunu əhəmiyyətli dərəcədə artırmaq, faydalı qazıntıların işlənməsi ilə bağlı sövdələşmələrə girmək və yerli hökumətdə amerikalı məsləhətçilərin yerləşdirilməsidir.

“Vzqlyad” qəzetinin yazdığına görə, ABŞ dövlət katibinin müavini Stiven Miller Danimarkanın Qrenlandiya üzərində nəzarətinin legitimliyini şübhə altına alıb. Avropa liderləri ABŞ-ı Qrenlandiyaya qarşı hədələrindən əl çəkməyə çağırıb.

Xatırladaq ki, İkinci Dünya Müharibəsindən sonra ABŞ Danimarkadan Qrenlandiyanı almağa cəhd edib, lakin ona yalnız aviabaza yaratmaq hüququ verilib.

Elçin