Reuters: Tramp impiçmentdən qorxur...

...SİA xəbər verir ki, Reuters agentliyinin məlumatına görə, ABŞ administrasiyası prezident Donald Trampın impiçmenti potensial riski səbəbindən Qrenlandiyanı ələ keçirmək fikrindən imtina edib.

Yanvarın əvvəlindən bəri Tramp və komandası adaya qarşı güc tətbiqini getdikcə daha çox müzakirə edir.

Hər iki partiyadan olan siyasətçilər prezidentin Venesuela ssenarisinə bənzər şəkildə Konqresin təsdiqi olmadan hərbi əməliyyata başlaya biləcəyindən narahatlıqlarını bildiriblər. Qanunvericilər narahatlıqlarını dövlət katibi Marko Rubioya və Ağ Evin digər rəsmilərinə çatdırıblar.

Agentliyin məlumatına görə, respublikaçılar administrasiyanı Qrenlandiyaya müdaxilə cəhdinin prezidentin impiçmentinə səbəb ola biləcəyi barədə xəbərdar ediblər.

Daha əvvəl Tramp dəfələrlə Qrenlandiyanın ABŞ-ın milli təhlükəsizliyi üçün vacib olduğunu vurğulayaraq, əks halda Rusiya və ya Çinin adaya nəzarəti ələ keçirə biləcəyini iddia edib.

22 yanvarda NATO-nun baş katibi Mark Rutte ilə danışıqlar zamanı tərəflər Qrenlandiya üçün təfərrüatları hələ açıqlanmayan bir plan barədə razılığa gəliblər.

Əli Babayev