İran XIN rəhbəri İsrailə qarşı sanksiya tətbiqinə çağırdı

İran növbəti dəfə İsrailə qarşı sərt bəyanat səsləndirib. SİA xəbər verir ki, İranın xarici işlər naziri Abbas Əraqçi "Al Jazeera" telekanalına müsahibəsində İsrailə qarşı hərbi və ticarət sanksiyalarının tətbiq edilməsinin zəruri olduğunu bildirib.

SİTAT: "İsrailə göstərilən siyasi və hüquqi himayə beynəlxalq hüququn əsas prinsiplərini zəiflədir və təhlükəli presedent yaradır. Beynəlxalq institutların səssizliyi humanitar hüququn normalarının faktiki olaraq görməməzliyə vurulmasına gətirib çıxarır."

O, İsrailin "ekspansionist" siyasətinin Yaxın Şərqdə sabitliyə ciddi zərbə vurduğunu, bölgədə gərginliyi daha da artırdığını qeyd edib.

Mətləb