İsrail təzyiqlərə baxmayaraq mövqeyini qoruyur və genişləndirir...

...Yaxın Şərqdə artan gərginlik və İrandan gələn təhdidlər fonunda bölgədəki əksər ölkələr narahatlıq içindədir. Lakin təhlükəyə öyrəşmiş İsrail diqqətəlayiq dözümlülük nümayiş etdirir və böyüməyə davam edir.

SİA-nın əldə etdiyi məlumata görə, bu barədə The Telegraph yazır.

Ölkənin iqtisadi uğurları təsirlidir. İsrailin Baş naziri Benyamin Netanyahunun sözlərinə görə, ölkə iqtisadiyyatı bir neçə il ərzində 1 trilyon dollara çatacaq.

Bu fonda İsrail əleyhinə fəalların malların boykot edilməsini təşkil etmək cəhdləri xüsusilə faydasız görünür.

Bəzi Avropa hökumətləri İsrail ilə əlaqələri kəsərkən, region ölkələri əməkdaşlığı gücləndirir.

İsrail və Misir tarixin ən böyük qaz müqaviləsini imzaladılar ki, bunun da dəyəri 35 milyard dollardır.

Şərqi Aralıq dənizindəki ən böyük yataqlardan biri olan Leviathan, Misiri enerjisinin əhəmiyyətli bir hissəsini təmin edəcək.

BƏƏ İsrail ilə 2,3 milyard dollarlıq müdafiə müqaviləsi imzaladı və Almaniya Strela-3 raketdən müdafiə sistemi üçün müqaviləni genişləndirərək onun dəyərini 8 milyard dollara çatdırdı - İsrailin ən böyük müdafiə ixrac müqaviləsi...

...İsrail də diplomatik cəbhədə mövqeyini qoruyur. Netanyahu ilə Misir prezidenti Əbdül Fəttah əs-Sisi arasında danışıqlar gözlənilir. İsrail Fici və Boliviyada yeni səfirliklər açır və Somalilandın tanınması da daxil olmaqla, dost dövlətlərlə münasibətlərini gücləndirir.

Bunun əksinə olaraq, İrlandiya, İspaniya və Norveç kimi Avropa ölkələri İsrailə siyasi təzyiq göstərməyə və onu təhdid etməyə davam edir.

Digər tərəfdən, İsrail praqmatik və inamlı hərəkət edir. Hərbi güc, texnoloji irəliləyişlər və diplomatik fəallıq İsraili qlobal səhnədə əsas oyunçuya çevirir.

Lakin ölkənin əsl gücü vətəndaşlarının dözümlülüyündə və nikbinliyindədir.

Əli Babayev