Avropalılar təhlükədə olduqlarını düşünürlər -SORĞU

Avropa Birliyi (AB) Komissiyası tərəfindən aparılan sorğuya görə, AB ölkələrində iştirakçıların 68 faizi ölkələrinin təhlükə altında olduğuna, 42 faizi isə şəxsi təhlükəsizliyinin təhlükə altında olduğunu düşünür.

Brüsseldə yerləşən ictimai rəy araşdırma şirkəti olan “Demoscopy” tərəfindən Münhen Təhlükəsizlik Konfransından əvvəl Aİ Komissiyasının tələbi ilə aparılan "Flash Eurobarometer 574" sorğusuna görə, Aİ ölkələrində yaşayan sorğu iştirakçıların 68%-i mövcud beynəlxalq vəziyyətdə ölkələrinin təhlükə altında olduğunu düşünür.

Respondentlərin 42%-i şəxsi təhlükəsizliyinin təhlükə altında olduğunu bildirib, ən yüksək təhlükə səviyyəsinə malik ölkələr isə 80% ilə Fransa, 77% ilə Niderland və Danimarka və 75% ilə Almaniya olub. Müdafiə investisiyalarına gəldikdə, sorğu iştirakçılarının 32%-i AB-nin kifayət qədər addım atmadığına, 34%-i isə öz ölkələrinin atmadığına inanır. Lakin, avropalıların 52%-i AB-nin təhlükəsizlik və müdafiəni gücləndirmək qabiliyyətinə etibar edir.

Bu nisbət üç ən böyük AB ölkəsində: Almaniya, Fransa və İtaliyada daha aşağıdır. Alman və italyanların 47%-i, fransızların isə 40%-i bu fikirlə razı deyil. Qeyd edək ki, “Flash Eurobarometer 574” sorğusu 2026-cı il yanvarın 5-12-si tarixləri arasında onlayn olaraq 27 AB üzv dövlətində təxminən 27.000 nəfər arasında aparılıb.

Lalə Mehralı