Əfqanıstan və Pakistan qüvvələri Torxam keçid məntəqəsi yaxınlığında toqquşub

Əfqanıstan Ordusu Nəngərhar əyalətindəki Torxam keçid məntəqəsi yaxınlığında Pakistan qoşunlarına qarşı yeni bir sıra hərbi əməliyyatlara başlayıb. Bu barədə Əfqanıstan xəbər portalı Alemarah məlumat verib.

Əfqanıstan Sərhəd Polisinin sözçüsü Abdullah Faruqi açıqlamasında bildirib ki, "Əfqanıstan sərhəd qüvvələri Nəngərhar əyalətindəki Torxam keçid məntəqəsi yaxınlığında Pakistan qoşunlarına qarşı güclü əks-hücumlar həyata keçirib".

Onun sözlərinə görə, bu əməliyyatda dörd düşmən əsgəri öldürülüb və onların keçid məntəqələri məhv edilib.

Xatırladaq ki, Pakistan-Əfqanıstan sərhədindəki gərginlik 26 fevral cümə axşamı axşamı elan edilib. Pakistanın müdafiə naziri Xavaca Asif bildirib ki, "bütün dünyadan terrorçular" Əfqanıstanda toplaşıb və İslamabad onlara müharibə elan edir. Pakistanla sərhəddə 50-dən çox Əfqan əsgərinin öldürüldüyü bildirilir.

Ertəsi gün, 27 fevralda Əfqanıstan mediası Əfqanıstan Silahlı Qüvvələrinin Pakistandakı "nüvə obyektinə" və Kakoladakı hərbi bazaya hücumu barədə məlumat yayıb. Qeyd olunub ki, "yüzlərlə ölü və yaralı" Pakistan Tibb Elmləri İnstitutuna aparılıb.