“İran məsələsi Tramp üçün Ukraynadan daha vacib hala gəlib”..?

...Danışıqlardakı çıxılmaz vəziyyətdən yorulduğu üçün Vaşinqtonun prioritetləri Ukraynadan İrana keçib..?

ABŞ-ın məqsədi Tehranı zəiflətmək və məhdud hərbi vasitələrlə, yerüstü əməliyyat olmadan nüvə proqramından imtina etməyə məcbur etməkdir, Ukrayna isə periferik, lakin unudulmayan bir aktiv olaraq qalır.

Ukraynadakı münaqişə Yaxın Şərqdəki hərbi eskalasiya fonunda ABŞ üçün prioritet statusunu itirib.

SİA-nın xarici qaynaqlardan əldə etdiyi məlumata görə, bu qiymətləndirməni politoloq Konstantin Bloxin ictimai xəbər xidmətinə verdiyi müsahibədə verib.

Onun sözlərinə görə, Vaşinqton nəticəsiz danışıqlardan bezib və diqqətini İranı zəiflətməyə və nüvə proqramından imtina etməyə məcbur etməyə yönəldib.

Qeyd edək ki, daha əvvəl, yəni fevralın 28-də ABŞ və İsrail İrandakı hədəflərə raket zərbəsi endirib və ali lider Əli Xamenei öldürülüb.

...Tehran buna cavab olaraq BƏƏ və Səudiyyə Ərəbistanı da daxil olmaqla, İsrail şəhərlərinə və Fars körfəzindəki Amerika bazalarına zərbələr endirib.

Bloxin ictimai xəbər xidmətinə verdiyi müsahibədə, Trampın İranla döyüşə quru qoşunları göndərməyəcəyini bildirir. Onun dediyinə görə, çünki bunun üçün ən azı 100.000 əsgər tələb olunacaq və trilyonlarla dollara başa gələcək...

Ekspertin fikrincə, hazırkı əməliyyat məhdud bir tədbirdir və genişmiqyaslı işğal olmadan rejim dəyişikliyi mümkün deyil. ABŞ-ın məqsədi İranı zəiflətmək və onu danışıqlar masasına qayıtmağa məcbur etməkdir.

Politoloq əlavə edib ki, Ukrayna yolu, sərf olunan səylərə və resurslara baxmayaraq, arxa plana keçib, lakin ABŞ bundan tamamilə imtina etməyəcək, çünki bu, təsir vasitəsidir.

...Tramp üçün prioritet, ilk növbədə, Qərb yarımkürəsi və Venesuela, Kuba, Panama, Meksika və Qrenlandiya ilə əlaqəli bütün problemlərdir.

...İkincisi, Avrasiyada əsas geostrateji maraqlar var: İran və Çini cilovlamaq, İsraili isə dəstəkləmək.

...Yeri gəlmişkən, İrana zərbə vurmaqla o, həm də Çini zəiflədir, çünki İran neftinin çox hissəsi ora göndərilirdi..?

Bunu da ekspert qeyd edir.

...Və bu arada politoloq Vladimir Kireyev Trampı məhz Netanyahunun göstərişi ilə İrana hücum etdiyini iddia edir.

Əli Babayev