İran Bağdaddakı ABŞ səfirliyini raketlə vurdu

İraq paytaxtındakı ABŞ səfirliyinin binası dünyanın ən böyük ABŞ diplomatik obyektlərindən biridir

İranın Bağdaddakı ABŞ səfirliyinin ərazisindəki vertolyot meydançasına İran raketi dəyib. Associated Press agentliyinin 14 mart şənbə günü səhər verdiyi məlumata görə, diplomatik binanın üzərindən tüstü qalxıb. İraqın iki təhlükəsizlik məmuru raket zərbəsi barədə nəşrə məlumat verib. Dərc olunan görüntülərdə diplomatik binanın üzərindən tüstü qalxdığı görünür.

Associated Press qeyd edir ki, İraq paytaxtındakı ABŞ səfirliyinin binası dünyanın ən böyük ABŞ diplomatik obyektlərindən biridir. O, əvvəllər də İranla əlaqəli paramilitar qruplar tərəfindən həyata keçirilən çoxsaylı raket və pilotsuz təyyarə hücumlarının hədəfi olub.

Bağdaddakı ABŞ səfirliyi hələlik hadisə ilə bağlı şərh verməyib.

Əvvəlki gün, cümə günü diplomatik missiya İraq üçün təhlükəsizlik siqnalını 4-cü səviyyəyə qaldırıb. Bəyanatda qeyd olunur ki, İran və onunla əlaqəli milislər əvvəllər ABŞ vətəndaşlarına, maraqlarına və infrastruktura hücumlar həyata keçiriblər və bunu davam etdirə bilərlər.

Xatırladaq ki, ABŞ Prezidenti Donald Tramp 14 mart gecəsi ABŞ ordusunun Yaxın Şərq tarixində ən güclü bombardman reydlərindən birini həyata keçirdiyini bildirib. Strateji Xarq adasındakı bütün hərbi hədəflər məhv edilib.

VƏLİ