“Max” Kremlə qarşı təxribat aktı həyata keçirdi..?

...Rusiya təbliğat qruplarında Kreml tərəfindən fəal şəkildə təbliğ edilən Rusiyanın dövlət mesajlaşma tətbiqi "Max" ilə bağlı qalmaqal yaranır.

Qəzəb, tətbiqin Rusiyanın Krımı ilhaq etməsini faktiki olaraq inkar etməsindən qaynaqlanır.

SİA-nın əldə etdiyi məlumata görə, bu barədə "Dialoq" yazır.

Müvəqqəti işğal edilmiş Krımdan qoşularkən tətbiqin geolokasiyasının əvvəlcə Ukraynanı göstərdiyi bildirilir.

...Messenger "Max", Krımdakı yerləşməsinə əsaslanaraq, istifadəçini Ukraynada olduğunu göstərir. Deyirsiniz ki, milli mesajlaşmadır!?

Bunu təbliğatçılar sosial mediada yazırlar.

Bu xəbərlər yayıldıqdan sonra, tərtibatçılar, ehtimal ki, dəyişikliklər ediblər, lakin yarımadanın ilhaqı hələ də əks olunmayıb.

İndi Krımdan qoşularkən tətbiq "Planet Earth" yerini göstərir.

...Qeyd etmək lazımdır ki, Max messenceri ötən ilin mart ayında istifadəyə verilib və Rusiyada milli xidmət kimi yerləşdirilib.

O, VK (VKontakte –A.B.) ilə əlaqəli bir şirkət tərəfindən hazırlanıb. Keçən ilin 1 sentyabrından etibarən tətbiq Rusiyada satılan bütün cihazlarda əvvəlcədən quraşdırılıb. Bundan əlavə, o, dövlət işçiləri və tələbələr arasında fəal şəkildə təbliğ olunur və onlar tez-tez tətbiqi yükləməyə məcbur olurlar.

Xidmətin məxfilik siyasətində deyilir ki, "Max" istifadəçi məlumatlarını toplayır və onu üçüncü tərəflərə və dövlət qurumlarına ötürə bilər.

Mütəxəssislər qeyd edirlər ki, tətbiq qeyri-adi dərəcədə çoxlu sayda şəxsi məlumat toplayır ki, bu da tipik bir messencer üçün xarakterik deyil və onu nəzarət alətinə bənzədir. Xüsusilə, tətbiqdə çox sayda cihaz və istifadəçi identifikatoru toplayan və fərdin ətraflı rəqəmsal profilini yaratmağa imkan verən daxili izləyici MyTracker var.

Əli Babayev