İsrail İranın kəşfiyyat nazirinin öldürüldüyünü açıqladı

İsrail Müdafiə Qüvvələrinə əlavə təsdiq tələb olunmadan istənilən yüksək rütbəli İran fiqurunu aradan qaldırmaq səlahiyyəti verildi.

SİA xarici KİV-ə istinadən xəbər verir ki, İsrailin müdafiə naziri İsrael Katz bildirib ki, İranın kəşfiyyat naziri İsmail Xətib İsrailin Tehrana etdiyi gecə hücumu nəticəsində öldürülüb. Bu barədə "The Times of Israel" qəzeti məlumat yayıb .

Katz qeyd edib ki, "Bu gün bütün cəbhələrdə əhəmiyyətli sürprizlər gözlənilir ki, bu da Livanda İran və Hizbullaha qarşı apardığımız müharibənin şiddətlənməsinə səbəb olacaq. İrana zərbələrin intensivliyi artır. İranın kəşfiyyat naziri Xətib də gecə ərzində məhv edilib".

O qeyd edib ki, Baş nazir Netanyahu ilə birlikdə "İsrail Müdafiə Qüvvələrinə əlavə təsdiqə ehtiyac olmadan istənilən yüksək rütbəli İran fiqurunu aradan qaldırmaq səlahiyyəti vermişik".

Xatırladaq ki, çərşənbə axşamı İran, İsraildə əvvəllər bildirildiyi kimi, ölkənin Ali Milli Təhlükəsizlik Şurasının katibi Əli Laricaninin ölümünü rəsmi olaraq təsdiqlədi