İran ABŞ üçün "sürprizlər" hazırlayır?

İran ABŞ və İsrail üçün davam edən müharibənin bir hissəsi olaraq "sürprizlər"lə hədələyib və bu, yaxın gələcəkdə həyata keçirilə bilər. Bu barədə 23 mart Bazar ertəsi günü Tasnim Xəbər Agentliyi də daxil olmaqla İran dövlət mediası məlumat yayıb.

İran mediasının məlumatına görə, Tehranın yeni tədbirləri qlobal proseslərə, o cümlədən fond bazarlarına və neft qiymətlərinə təsir göstərə bilər. Hərbi mənbələrdən biri planlaşdırılan hərəkətlərin əhəmiyyətli nəticələrə səbəb ola biləcəyini qeyd edib. "İran müharibənin qarşıdakı günləri üçün yeni sürprizlər planlaşdırıb və bunların həyata keçirilməsi çox əhəmiyyətli nəticələr verə bilər", - deyə mediada bildirilir.

İran tərəfi açıqlamalarında Amerika hərbi infrastrukturu ilə bağlı problemlərə toxunub. Hərbi mənbə iddia edir ki, ABŞ sursat təminatında çətinliklərlə üzləşir və Prezident Donald Tramp vəziyyətin kritikliyini anlayır.

Mənbə bildirib ki, "Tramp hücum və müdafiə hərbi sursatının çox pis vəziyyətdə olduğunu bilir".

İran həmçinin hesab edir ki, Vaşinqton hətta əsas strateji bölgə olan Hörmüz boğazında belə hərbi qələbə qazana bilmir.

Ölkə nümayəndələri bəyanatlarında vurğulayıblar ki, "Trampın hərbi qələbə qazanmağa və ya Hörmüz boğazını hərbi yolla açmağa heç bir ümidi yoxdur".

Bundan əlavə, İran mediasına görə, Tehranın yeni tədbirləri qlobal proseslərə, o cümlədən fond bazarlarına və neft qiymətlərinə təsir göstərə bilər.

Mənbə mediaya bildirib ki, "Səmaya, fond bazarlarına və neft qiymətlərinə diqqət yetirin".

Xatırladaq ki, ABŞ prezidenti Donald Tramp əvvəllər İranın iki ölkə arasında planlaşdırılan razılaşmanın bir hissəsi olaraq nüvə silahı istehsal etməkdən çəkinməyə razı olduğunu açıqlamışdı. Lakin rəsmi Tehran ABŞ ilə hər hansı birbaşa danışıqları təkzib edir. İran Xarici İşlər Nazirliyinin rəsmiləri "məhsuldar dialoq"dan danışmağın həqiqətə uyğun olmadığını bildiriblər. Onlar həmçinin Trampın açıqlamalarının onun enerji qiymətlərini aşağı salmaq siyasətinin bir hissəsi və planlaşdırılan hərbi əməliyyatlar üçün vaxt qazanmaq cəhdi olduğunu vurğulayıblar.

VƏLİ