Rusiyalı əsir Çinin Sibiri ələ keçirilməsindən danışıb...

...Sibir iqtisadi cəhətdən tamamilə Çin kapitalından asılıdır və yerli əhali əsasən xarici müəssisələr sayəsində yaşayır.

SİA xəbər verir ki, bu barədə Ukrayna Silahlı Qüvvələrinin "Rubej" briqadası tərəfindən yayımlanan videoda "Plyas" çağırış işarəsi olan əsir götürülmüş rus əsgəri məlumat verib.

...Deməli, əslən Tomsk bölgəsindən olan rusun sözlərinə görə, Rusiyanın daxili bölgələrində işsizlik və dağıntı hökm sürür. Bir çox kəndlərdə sosial infrastruktur faktiki olaraq məhv edilib.

...Sibirdə iş yeri yox idi və hələ də yoxdur. Rusiyada minlərlə şəhər var. Kəndlər tamamilə dağılır - məktəblər və ya uşaq bağçaları yoxdur.

Bunu deyən hərbi əsirin fikrincə, regionda hər hansı bir fəaliyyətin yeganə mənbəyi Kremlin təbii sərvətləri istismar etmək üçün onlara kart-blanş verdiyi Çin şirkətləridir.

...Bizdə mişar zavodunda işləyən Çinli işçilər var idi. Putin onlara tayqanı 50 il müddətinə icarəyə götürməyə icazə verdi. Onlar meşələri kəsir və öz tədarüklərini təmin edirlər.

Bunu da rusiyalı hərbi əsir deyib və əlavə edib ki, Rusiyanın təbii sərvətləri kütləvi şəkildə xaricə ixrac olunur.

...Bəzən qatar vaqonlarında dairəvi taxta daşıyırlar, bəzən isə taxtaları yonub düzəldirlər. Bu arada, ruslar üçün belə iş tapmaq çətindir: miqrantlara üstünlük verilir və yerli sakinlər yalnız son çarə olaraq işə götürülür. Onlar özbəkləri də işə götürürlər və onlar altı aylıq növbə ilə işləyirlər. Əgər boş yerlər varsa, onda ruslarıda işə götürürlər.

Əsirin sözlərinə görə, resursların istismarına baxmayaraq, ölməkdə olan şəhərlər üçün xilasedici vasitə olaraq qalan Çin müəssisələridir.

...Əgər onlar olmasaydı, şəhərlər tamamilə dağılardı.

Sonda məhbus vurğulayıb ki, Sibir tamamilə Çindən asılı hala gəlir, rusların özlərinin isə həyat səviyyəsi aşağı düşməyə davam edir.

Əli Babayev