G7 nazirləri təcili iclas keçirəcəklər - media

50 ildən sonra ilk dəfə olaraq G7 nazirləri mərkəzi bank rəhbərləri ilə təcili iclas keçirəcəklər. İclasda strateji neft ehtiyatlarının buraxılması və ya hətta neftə qiymət limitinin qoyulması müzakirə olunacaq. Politico xəbər verir ki, G7 maliyyə və enerji nazirləri ABŞ və İsrailin İranla müharibəsinin iqtisadi təsirini necə məhdudlaşdırmaq barədə müzakirələr aparmaq üçün 30 mart bazar ertəsi günü daha bir təcili iclas keçirəcəklər.

Xüsusilə, iclasda strateji neft ehtiyatlarının buraxılması və ya hətta neftə qiymət limitinin qoyulması müzakirə olunacaq. İki diplomatın sözlərinə görə, onlayn görüş zamanı mərkəzi bank rəhbərləri ilə birlikdə olacaq maliyyə və enerji nazirləri müxtəlif variantları nəzərdən keçirəcəklər.

Fransanın maliyyə naziri Roland Leskur qeyd edib ki, bu nazirlər qrupunun mərkəzi bank nümayəndələri ilə 50 ildən sonra ilk dəfə görüşəcəyi gözlənilir.

Əvvəlki G7 görüşləri heç bir əlaqələndirilmiş tədbir olmadan baş tutub və bu dəfə nazirlərin birgə bəyanat verib-verməyəcəyi belə məlum deyil.

Xatırladaq ki, G7 ölkələri Hörmüz boğazında sülhməramlı missiyaya yalnız bir şərtlə - ABŞ, İsrail və İran arasındakı qarşıdurma bitdikdən sonra başlamağa hazır olduqlarını bildiriblər.

VƏLİ