Tramp Ukrayna və pulla bağlı mübahisəli bir açıqlama verib...

...ABŞ prezidenti Donald Tramp əvvəlki administrasiyanı sözdə "Ukraynaya 350 milyard dollar" ayırdığına görə tənqid etmiş və ABŞ-ın hazırda yalnız sursat satdığını və bunun da Aİ tərəfindən ödənildiyini iddia edib.

SİA-nın məlumatına görə, o, bu açıqlamanı xalqa müraciəti zamanı bəyan edib.

Tramp bir daha sələfi Cozef Baydenin xarici siyasətini sərt şəkildə tənqid edərək, ABŞ-ın Ukraynadakı müharibəyə müdaxilə etməməli olduğunu söyləmişdir.

Jurnalistlərlə görüş zamanı Ağ Ev rəhbəri böyük maliyyə xərclərini və Amerika arsenalının tükənməsini qeyd etmişdir. Bundan əlavə, Donald Tramp əvvəllər ABŞ-ın Ukraynaya göstərdiyi dəstəyin həcmindən narazılığını ifadə etmiş və Vaşinqtonun "okeanın o tayında" yerləşən bir ölkənin işlərinə dərindən müdaxiləsinin müdrikliyini şübhə altına almışdır.

Trampın bəyanatının əsas məqamları...

ABŞ prezidenti vurğulayıb ki, əvvəlki administrasiya ABŞ-ın milli maraqları üçün heç bir fayda əldə etmədən nəhəng resursları xərcləyib.

...Biz milyardlarla dollar xərcləyirik. Bilirsiniz, Ukraynaya girməməli idik. Ukrayna okeanın o tayında minlərlə mil uzaqdadır. Biz onlara kömək etdik. Bizim sadəcə axmaq olan bir prezidentimiz var idi: o, onlara 350 milyard dollar verdi və qarşılığında heç nə almadı, onlara bu qədər pul verdi, bu qədər sursat xərclədi, - deyə Tramp bildirib.

Trampın sözlərinə görə, Bayden Zelenskiyə ayırdığı 350 milyard dollar "heç nəyə" xərclənib.

Bundan əlavə, Ağ Ev rəhbəri bildirib ki, Ukraynaya həddindən artıq silah təchizatı səbəbindən Amerika ehtiyatları kəskin şəkildə tükənib. Buna görə də ABŞ indi ölkə daxilində istehsalı kütləvi şəkildə artırmaq məcburiyyətindədir.

Tramp vurğulayıb ki, onun yanaşması tamamilə fərqlidir: silah bağışlamaq əvəzinə, sursat satır.

...İndi ölkənin hər yerində sursat istehsal edirik, çünki bizə lazımdır... O, Ukraynaya çox şey verdi və qarşılığında heç nə almadı. Mən isə onlara sursat satıram. Avropa İttifaqı bunun pulunu ödəyir, - deyə Donald Tramp vurğuladı.

Kontekst və Avropaya təzyiq...

Qeyd edilməlidir ki, bu açıqlama Vaşinqton və Brüssel arasında artan gərginlik fonunda gəlir.

Xatırladaq ki, Tramp əvvəllər Avropa müttəfiqlərini AB ölkələri strateji əhəmiyyətli Hörmüz boğazında Amerika hərbi əməliyyatını dəstəkləməsə, PURL proqramı çərçivəsində Ukraynaya silah tədarükünü dayandırmaqla hədələmişdi. Trampın aqressiv ritorikası onun Ukraynanı dəstəkləməyin maliyyə yükünü Avropaya keçirmək istəyini göstərir, eyni zamanda dünyanın digər bölgələrindəki müttəfiqlərdən daha çox sədaqət tələb edir.

P.S: Maraqlıdır, əgər Trampın dediyi kimi, Ukrayna okeanın bu tayında yerləşirsə və ona 350 milyard dollarlıq müftə silah-sursat verilirsə, onda sual oluna bilər: bəs İran harada yerləşir?

Əli Babayev