Argentina İran diplomatını "persona non-qrata" elan etdi

Argentina Xarici İşlər Nazirliyi (XİN) İranın Buenos-Ayresdəki səfirliyinin müvəqqəti işlər vəkili Möhsün Soltani Tehranini "persona non-qrata" elan edib və ondan 48 saat ərzində dövlət ərazisini tərk etməsini tələb edib. Bu barədə Argentina XİN-in rəsmi bəyanatında bildirilib.Qərar Buenos-Ayresin Argentina və onun rəhbərliyinə qarşı yalan, təhqiramiz və yersiz ittihamlar ehtiva etdiyi kimi qiymətləndirdiyi İran XİN-in bəyanatına cavab olaraq qəbul edilib. Qeyd edilib ki, bu cür ifadələr ölkənin daxili işlərinə qəbuledilməz müdaxilədir. Argentina XİN vurğulayıb ki, ölkədə axtarışda olan şəxslərin İslam İnqilabı Keşikçiləri Korpusunun (SEPAH) strukturlarında yüksək vəzifələrə təyin edilməsi ciddi haldır.Daha əvvəl İran ABŞ, İsrail və İran arasındakı münaqişə fonunda Argentinanın SEPAH-ı terror təşkilatı kimi tanımaq qərarını pisləyib, Xavyer Miley administrasiyası tərəfindən atılan bu addımı qanunsuz və ikitərəfli münasibətlərə zərər vuran bir addım adlandırıb.
Mətləb