Reuters: Müctəba Xamenei sağalır və zehni cəhətdən sağlamdır...

İranın yeni Ali Lideri Müctəba Xamenei iqamətgahına edilən hava hücumları zamanı aldığı ciddi üz və ayaq xəsarətlərindən sağalır.

Fiziki xəsarətlərinə baxmayaraq, İslam Respublikasının lideri işləmək qabiliyyətini qoruyur və strateji hökumət qərarlarının qəbul edilməsində uzaqdan iştirak edir.

SİA-nın məlumatına görə, bildirilib ki, 56 yaşlı Müctəba Xamenei 28 fevral 2026-cı ildə Tehrandakı iqamətgahına edilən hücumdan sonra müalicəsini davam etdirir.

Ayətullah Əli Xamenei və Müctəbanın ailə üzvlərinin ölümünə səbəb olan hücum nəticəsində o, üzündə və ayaqlarında ağır xəsarətlər alıb.

Lakin Reuters mənbələri siyasətçinin sağlam düşüncəli olduğunu və tam ayıq qaldığını iddia edirlər.

Xamenei hazırda ölkəni uzaqdan idarə edir, yüksək vəzifəli şəxslərlə audio bağlantı vasitəsilə görüşlər keçirir.

Onun hazırkı hərbi münaqişə və ABŞ ilə diplomatik danışıqlarla bağlı əsas qərarlarda iştirakı təsdiqlənir.

İran tərəfi liderin 8 martda vəzifəyə başlamasından bəri ictimaiyyətin diqqətindən kənarda qalmasını uzun müddətli reabilitasiya dövrü ilə əlaqələndirir.

Qeyd edilməlidir ki, bu məlumat Qərb kəşfiyyat agentliklərinin və mediasının əvvəlki hesabatları ilə ziddiyyət təşkil edir.

Xüsusilə, ABŞ-İsrail kəşfiyyatına istinadən "The Times" qəzeti Ali Liderin Qum şəhərində huşsuz vəziyyətdə olduğunu və vəzifələrini yerinə yetirə bilmədiyini iddia edib. Tehran rəsmiləri bu cür məlumatları təkzib edərək, yeni dövlət başçısının İranın idarə olunmasında fəal iştirak etdiyini israr edirlər.

Əli Babayev