Britaniya müharibəyə hazırlıq üçün genişmiqyaslı plan hazırlayır...

...Böyük Britaniya ölkəni mümkün hərbi vəziyyətə hazırlamaq üçün hərtərəfli planının yenilənmiş versiyasını hazırlayır.

SİA-nın əldə etdiyi məlumata görə, bu barədə Böyük Britaniya silahlı qüvvələrinin rəhbəri Riçard Nayton Sky News-a verdiyi şərhdə bildirib.

Onun sözlərinə görə, yeni strategiya milli dayanıqlığa fərqli bir yanaşma nəzərdə tutur - Soyuq Müharibə təcrübəsinə əsaslanan, lakin müasir şəraitə, cəmiyyətə və infrastruktura uyğunlaşan bir yanaşma...

Oxşar planlaşdırma sistemi əvvəlcə Birinci Dünya Müharibəsi dövründə yaradılmışdır. O, müntəzəm olaraq yenilənən və təkmilləşdirilən məxfi sənədlər dəstindən ibarət idi.

Nəticədə, Böyük Britaniya böhranlara ən yaxşı hazırlıqlı ölkələrdən biri hesab olunurdu. Plan təkcə hərbi tədbirləri deyil, həm də mülki tədbirləri əhatə edirdi: əhalinin və sənayenin səfərbər edilməsini, məktəblərin bağlanmasını, xəstəxanaların yenidən təyinatlı istifadəsini, ərzaq paylanmasının tətbiqini və milli dəyərlərin qorunması tədbirlərini tələb edirdi...

Lakin, 2000-ci illərin əvvəllərində bu sistem yüksək qiymətinə görə ləğv edildi.

Əvvəlki yanaşmalara faktiki olaraq qayıtmaq barədə soruşulduqda, Nayton qeyd edib ki, onlar həqiqətən də bu cür mexanizmlərin bərpasından danışırlar.

Yenilənmiş plan elektrik stansiyaları və su təchizatı sistemləri də daxil olmaqla vacib infrastrukturu həm təbii fəlakətlərdən, həm də potensial hərbi təhdidlərdən qorumağı hədəfləyəcək. O, həmçinin vətəndaşların son onilliklərin nisbi sabitlik dövrünün başa çatdığını qəbul etməsinin vacibliyini vurğuladı.

Buna görə də, risklər və hər bir şəxsin ölkənin dayanıqlığının təmin edilməsində və ordunu dəstəkləməkdə oynaya biləcəyi rol barədə ictimaiyyətin məlumatlılığını artırmaq lazımdır.

Bu fonda Qərb rəsmiləri getdikcə Rusiyadan potensial təhlükə barədə xəbərdarlıq edirlər.

Xüsusilə, Ukrayna prezidentinin ofisi rəhbərinin müavini Pavlo Palisa qeyd edib ki, bu cür narahatlıqlar haqlıdır, lakin mümkün tədbirlərin vaxtı və formatı Rusiyanın resurslarından eləə də Ukraynadakı vəziyyətin inkişafından asılı olacaq.

Əli Babayev