Rusiyalı akademik Putinə sərt reaksiya verdi…

...Moskva İqtisadi Forumunda Rusiya Elmlər Akademiyasının akademiki Robert Niqmatulin Rusiya lideri Vladimir Putinin iqtisadi siyasətini kəskin tənqid edərək Rusiyanın əhalisinin Avropada ən kasıb olduğunu bildirib.

SİA-nın əldə etdiyi məlumata görə, bu barədə Dialoq.UA. yazır.

...Niqmatulin bildirib ki, Sovet dövründə "bizdə kosmos var idi və nüvə enerjisində birinci idik", amma indi "biz (yəni Rusiya - redaktorun qeydi) hər şeyi itirmişik".

O, həmçinin Rusiyanın təkcə iqtisadi deyil, həm də demoqrafik çətinliklərlə üzləşdiyini vurğulayıb, çünki ölkə əhalisi hər il 600.000 nəfər azalacaq.

...Biz ölkəni qurduq. Kosmosumuz var idi. Biz nüvə enerjisində birinci idik. Bunun üçün qurbanlar verdik. O vaxt biz kasıb idik. Bəs indi? Biz hər şeyi itirmişik. Biz hələ də Avropanın ən kasıb bölgələriyik. Hətta Çinin ən kasıb bölgələrində belə gəlirlər bizim ən kasıb bölgələrimizdən daha yüksəkdir. Buna necə reaksiya verməliyik? Hər şey boşa gedir. Bunu etmək mümkün deyil, - deyə Rusiya Elmlər Akademiyasının akademiki bildirib.

...Robert Niqmatulin qeyd edib ki, Rusiyada son 10 ildə orta ÜDM artımı təxminən 1,5 faiz olub, istehlak qiymətləri isə 77 faiz artıb ki, bu da ildə təxminən 7 faiz inflyasiyaya uyğundur.

Akademik qeyd edib ki, 2012-ci ildən bəri Rusiya lideri Vladimir Putinin iqtisadiyyatla bağlı heç bir fərmanı icra edilməyib.

Üstəlik, Putin nəinki buna görə heç kimi məsuliyyətə cəlb etməyib, hətta heç kimi cəzalandırmayıb.

Əli Babayev