Macarıstan üçün 17 milyard avroluq SÜRPRİZ

Macarıstanın yeni seçilmiş Baş naziri Peter Madyar Avropa Komissiyasının (AK) rəhbəri Ursula fon der Lyayen ilə görüşü barədə özünün "X" sosial şəbəkəsindəki hesabında paylaşım edib. SİTAT: "Avropa Komissiyasının rəhbəri ilə çox konstruktiv və məhsuldar görüşüm oldu. Biz razılığa gəldik ki, Macarıstan və macar xalqının ən qısa zamanda bir neçə min milyard forint məbləğində Aİ vəsaitini ala bilməsi üçün zəruri olan siyasi razılaşmanı bağlamaq məqsədilə Macarıstanın Baş naziri kimi mən 25 mayda Brüsselə qayıdacağam", - o yazıb.

Madyar bildirib ki, Avropa İttifaqı (Aİ) Macarıstanın milli maraqlarına zidd ola biləcək heç bir şərt irəli sürmür. "Aİ vəsaitləri tezliklə Macarıstana daxil olmağa başlayacaq, bu da bizə Macarıstan iqtisadiyyatına təkan verməyə və işlək, eləcə də humanist bir ölkə üçün bütün zəruri olan hər şeyi təmin etməyə imkan verəcək", - o deyib.