Rusiya vətəndaşı Minskdə Yerevana uçmaq istəyərkən saxlanılıb...

...Rusiya vətəndaşı İvan Lyubşin Yerevana uçuşundan əvvəl Minskdə saxlanılıb.

SİA-nın əldə etdiyi məlumata görə, OVD-Info xəbər verir ki, Ermənistanda o, Fransaya humanitar viza almağı planlaşdırırmış.

Qeyd edilməlidir ki, Fransa səfirliyi ilə bütün məsələlər artıq həll olunubmuş.

İnsan hüquqları fəallarının sözlərinə görə, kişi uçuşdan iki saat əvvəl Belarus sərhədçiləri tərəfindən saxlanılıb.

Onlar onu polisə təhvil veriblər, polis isə onu Dövlət Təhlükəsizlik Komitəsinə aparıb və oradan Rusiyaya köçürülüb.

Orada ona qarşı nəzarət qaydalarını pozduğuna görə cinayət işi açılıb.

2025-ci ildə İvan Lyubşin həbsdən azad edilib və növbəti səkkiz il ərzində mütəmadi olaraq polisə hesabat verməli imiş.

Deməli, 2020-ci ildə Lyubşin "terrorizmi haqlı çıxarmaq" ittihamı ilə beş il iki ay müddətinə azadlıqdan məhrum edilib. O, Arxangelsk vilayəti üçün Federal Təhlükəsizlik Xidmətinin binasında partlayış törədən 17 yaşlı Mixail Jlobitskini "ən azı həftənin qəhrəmanı" adlandırdığı şərhə görə məhkum edilib.

Əli Babayev