Ərdoğan Afrikanı bayram münasibətilə təbrik etdi

Türkiyə Prezidenti və Birinci Xanımı Afrika Günü və Afrika Birliyinin ildönümü münasibətilə təbrik mesajları göndəriblər.

SİA xarici KİV-ə istinadən xəbər verir ki, Türkiyə Prezidenti Rəcəb Tayyib Ərdoğan Afrika ölkələrini Afrika Günü və Afrika Birliyinin təsis ildönümü münasibətilə təbrik edib.

Türkiyə lideri NSosyal sosial media platformasında paylaşdığı paylaşımda 25 may - Afrika Günü və Afrika Birliyinin təsis ildönümü münasibətilə səmimi təbriklərini çatdırıb.

Ərdoğan Türkiyənin dostlarına və Ankaranın güclü tarixi və insani əlaqələrə malik olduğu "afrikalı qardaş və bacılara" "sevgi və hörmətini" bildirib.

Türkiyənin birinci xanımı Əminə Ərdoğan da təbriklərini çatdırıb. O, paylaşımında Afrikanı qədim sivilizasiyaları, mədəni zənginliyi və gənc əhalisi sayəsində dünyanın ən unikal bölgələrindən biri adlandırıb.

Birinci Xanım qeyd edib ki, Afrika xalqlarının mehribanlığı, dözümlülüyü və qonaqpərvərliyi onu həmişə dərin təsirləndirib. O, qitənin sərvətinin Afrika xalqlarının sülhünə, inkişafına və rifahına töhfə verəcəyinə ümid etdiyini bildirib. Əminə Ərdoğan həmçinin Türkiyə ilə Afrika xalqları arasındakı mənəvi əlaqənin əbədi olaraq qorunub saxlanılmasını arzulayıb.