Almaniya qarpızı ekstremist simvollar siyahısına əlavə edib…

...SİA-nın əldə etdiyi məlumata görə, The MEE xəbər verir ki, ötən həftə Almaniya hökuməti "antisemit simvolları" sadalayan broşür yayımlayıb.

"Antisemit kodlar və şifrələr mesajını gizlətmək" adlı nəşr Konstitusiyanın Mühafizəsi üzrə Federal İdarə tərəfindən yazılıb.

Agentlik hesab edir ki, kitab "antisemitizmin incə formaları haqqında məlumatlılığı artırmalıdır".

Broşürada nasist dövrünün simvolları ilə yanaşı, Fələstin müqaviməti və Qəzza zolağında soyqırımın pislənməsi ilə bağlı şəkillər də yer alır.

"Dünyəvi Fələstinpərəst ekstremizm" bölməsində rəngləri Fələstin bayrağının rənglərinə bənzəyən qarpızın təsviri də var.

Broşürün hədəf auditoriyası "sinifdə əlavə material kimi istifadə edə bilən" müəllimlər və "Fələstinpərəst ekstremizmin əlamətlərini müəyyən edə" biləcək təhsil işçiləridir.

Qarpızlardan əlavə, ekstremist simvollar siyahısına İsrail müharibə cinayətlərinə diqqət çəkmək üçün yaradılmış rəsmlər də daxildir.

Məsələn, "İsrail hər gün bütün bir sinfi öldürür" başlığı ilə qan içində olan sinif otağının şəkli (…şəkil 2025-ci ilin sentyabr ayında Qəzza zolağında hər saatda bir uşağın öldüyünü bildirən "Uşaqları Xilas Edin" humanitar təşkilatının məlumatlarına əsaslanır).

Ekstremist şəkillər siyahısına həmçinin İsrail əsgərinin körpənin olduğu inkubatoru söndürməsinin şəkli də daxil edilib.

Şəkildə İsrail ordusunun 9 noyabr 2023-cü ildə Xan Yunisdəki Nasir Xəstəxanasına hücumuna işarə edilir.

Həmin vaxt vaxtından əvvəl doğulmuş körpələr şöbəsinə oksigen verilişi kəsilmiş və tibb işçiləri zorla xəstəxanadan çıxarılmışdı.

Tibb işçiləri 19 gün sonra qayıdanda bütün körpələr artıq ölmüşdü.

Əli Babayev