“İslamofobiya Qərb dünyasında geniş yayılıb..?”

...Rusiyalı akademik Vitali Naumkin Qərb ölkələrinin Rusiya ilə İslam dünyası arasında münaqişə yaratmağa çalışdıqlarını bildirib.

SİA-nın rus saytlarından əldə etdiyi məlumata görə, o, bu fikirlərini Primakov Xarici Siyasət Əməkdaşlıq Mərkəzinin Rusiya Elmlər Akademiyasının Şərqşünaslıq İnstitutu ilə birgə təşkil etdiyi 6-cı Beynəlxalq Elmi və Ekspert Forumunun açılışında bildirib.

Naumkin çıxışında rusofobiya və islamofobiyanın paralel olaraq inkişaf etdiyini vurğulayıb.

Akademik qeyd edib ki, "bu gün bəzi Qərb tərəfdaşlarımızın vətəndaş qarşıdurmasını, xristian və İslam dünyaları arasında, Rusiya ilə islam dünyası arasında nifaq salması olduqca açıq-aydındır".

O, həmçinin bu hadisələrlə Fələstin-İsrail münaqişəsi arasındakı əlaqəyə diqqət çəkib.

Ekspertin sözlərinə görə, islamofobiya Qərb dünyasında geniş yayılıb və Yaxın Şərqdəki hadisələrə dair qavrayışlara təsir göstərir.

Naumkin Rusiya ilə Yaxın Şərq ölkələri arasında münasibətlərdə əldə edilən irəliləyişi xüsusi olaraq qeyd edərək, müasir dünyanı onlarsız təsəvvür etməyin mümkün olmadığını qeyd edib.

Əli Babayev