Kreml çaşqınlıq içindədir…

...Moskva ABŞ Prezidentinin xüsusi nümayəndələrinin Rusiyaya səfərinin yaxın gələcəkdə baş tutub-tutmayacağına qərar verə bilmir.

SİA xəbər verir ki, news.ru saytının məlumatına görə, bunu Kremlin köməkçisi Yuri Uşakov bildirib.

Uşakovun sözlərinə görə, Moskva Vaşinqtonla əlaqələrini davam etdirir.

Xüsusilə, o, ABŞ Prezidentinin xüsusi nümayəndəsi Stiv Vitkov və ABŞ prezidentinin kürəkəni Cared Kuşnerlə əlaqə saxlayır.

…Bu, dəfələrlə (Vitkov və Kuşnerin qarşıdan gələn səfəri haqqında - red.), o cümlədən mənim tərəfimdən də bildirilib. Səfər hazırlanır, - deyə o bildirib.

Peskov bunun əksini bildirib…

Qeyd etmək lazımdır ki, 5 iyunda Kremlin mətbuat katibi Dmitri Peskov ABŞ Prezidentinin xüsusi nümayəndəsi Stiv Vitkov və ABŞ prezidentinin kürəkəni Cared Kuşnerin Moskvaya səfərinin gözlənilmədiyinə əminlik verib.

Yeri gəlmişkən, bir neçə gün əvvəl Ukrayna Prezidenti Aparatının rəhbəri Kirill Budanov Vitkov və Kuşnerin Kiyevə ilk səfərinin tezliklə gözlənildiyini açıqlayıb.

O, daha sonra Moskvaya gedəcəklərini söylədi. Kiyevə bu səfər aprelin əvvəlində elan edilmişdi, lakin heç vaxt baş tutmadı.

Əli Babayev