İran öz arsenalına Rusiya raketlərini əlavə edib - Media

Bloomberg kəşfiyyat məlumatlarına istinadən xəbər verir ki, İran öz arsenalına Rusiya istehsalı olan raketləri əlavə etmiş ola bilər. Mənbələrə görə, İran ABŞ ilə atəşkəs dövründə silahlarının əhəmiyyətli bir hissəsini bərpa edib. Qeyd olunur ki, İran hazırda hərbi əməliyyatlar başlamazdan əvvəl sahib olduğu raket arsenalının təxminən dörddə üçünə sahibdir.

Agentliyin mənbələri hesab edir ki, Tehran lazım gələrsə, silah ehtiyatlarını tez bir zamanda artırmaq qabiliyyətini saxlayır. Onlar həmçinin Rusiyanın son bir ildə istehsal etdiyi yeni raketləri İrana ötürə biləcəyini də ehtimal edirlər.

May ayının sonlarında CNN peyk görüntülərini təhlil etdikdən sonra bildirib ki, İran ABŞ-ın bombardmanından sonra girişləri bağlanmış 18 böyük yeraltı raket arsenalına yenidən çıxış əldə edib və bu bazalardakı 69 giriş tunelindən 50-ni təmizləyib.

Kanal tərəfindən müsahibə verilən ekspertlər hesab edirlər ki, ölkənin yeraltı anbarlardan sursatların sürətli şəkildə çıxarılması sayəsində İsrailə və digər Yaxın Şərq dövlətlərinə xeyli uzunmənzilli raketlər atmaq qabiliyyəti var.

13 mayda New York Times qəzeti ABŞ kəşfiyyat məlumatlarına istinadən xəbər verir ki, ABŞ administrasiyasının İranın hərbi gücünü ləğv etmək iddialarına baxmayaraq, Tehran raket arsenalının təxminən 70%-ni saxlayıb.

Daha əvvəl ABŞ dövlət katibi İranın əhəmiyyətli raket ehtiyatlarını saxladığını açıqlamışdı.