Xüsusi xidmət orqanları üçün hücum tüfəngi olan dron hazırlanıb

...Ukraynalı tərtibatçılar düşmənə minaatan mərmiləri atmaq və hücum tüfəngi ilə atəş açmaq qabiliyyətinə malik olan Drone Squad Fury dronunu yaradıblar.

SİA-nın əldə etdiyi məlumata görə, bu barədə OM Defense Systems şirkətinin nümayəndəsi Militarnoe-yə bildirib.

Yeni inkişaf Eurosatory sərgisində təqdim edilib.

Müdafiə şirkəti nümayəndəsinin sözlərinə görə, onların dronundan müxtəlif silahlar üçün platforma kimi istifadə etmək olar.

Xüsusilə, o, 15 kq-a qədər ağırlığında minaatan mərmiləri, eləcə də hücum tüfəngi olan asqı ilə təchiz oluna bilər.

Dron həmçinin Starlink terminalı da daxil olmaqla müxtəlif rabitə seçimləri ilə təchiz oluna bilər.

Hücum tüfənginin versiyası xüsusi olaraq Ukrayna xüsusi xidmət orqanları üçün hazırlanıb. Lakin, istənilən effektivliyi nümayiş etdirmədi.

…Biz onu hazırladıq, onlara təhvil verdik, onlar sınaqdan keçirdilər, amma sonra ənənəvi sursat atışlarına keçdilər. Burada biz bu dron üzərində demək olar ki, istənilən həlli tətbiq edə biləcəyimizi nümayiş etdirmək istədik, - deyə OM Defense Systems şirkətinin nümayəndəsi izah edib.

Əli Babayev